භාවිතය අඩු කිරීම - Reduce

අපට කළ හැකි දේවල් .01 

ඇත්තට අපි කොච්චර නම් පරිසරයට අහිතකර දේවල් භාවිතා කරනවද?
තව අපි භාවිතා කරන දේවල් හදන්න කොච්චර නම් පරිසරයට හානි වෙනවද?
අපි අපිට නිකන් හම්බෙන (නොමිලේ) දේවල් වල වටිනාකම දැනගෙන කටයුතු කරනවාද ?

මේ දේවල් ගැන හිතුවොත් ඉතින් අපි ගොඩක් අය දෙන්න වෙන්නෙ සෘණාත්මක පිළිතුරු තමා.
ඒ කියන්නෙ " අනේ මම නම් එහෙම නෑනෙ" කියලා.
මේක කියෙව්වායින් පස්සෙවත් එහෙම කරමු.

අපිට මේ ලෝකෙන් ගොඩාක් දේවල් පිනට ලැබෙනවා,
විශේෂෙන්ම අපේ වගේ රටකදි,
අපිට කවදාවත් මැරෙන්න තරම් සීතලක්වත්, රස්නියක්වත් එන්නෙ නෑ,
වතුරත් බොහෝ දෙනාට හොඳට හම්බෙනවා,
වාතය කොහොමත් පිනට හම්බෙනවා,
අපෙ රටේ ගස් වල කොස් දෙල් වගේ බඩ පිරෙන්න කන්න පුළුවන් දේවල් හැදෙනව (දැන් ගස් නම් අඩුයි)


සමහර විට අපි මේ සම්පත් වලට සල්ලි ගෙවලා ගන්නවා ඇති.
උදාහරණයක් විදියට වතුර, අපි බිලක් ගෙවලා තමා වතුර පාවිච්චි කරන්නෙ,
ඒත් වතුරට වටිනාකමක් කියන්න පුළුවන්ද කාටවත්?


ඒ නිසා පිඟානක්, කෝප්පයක් හෝදනකොට,
දත් මදිනකොට, මූණ හෝදනකොට, වතුර පාවිච්චි කරන හැම වෙලාවකටම හිතන්න මේ වතුර වටිනා සම්පතක් මේක අනවශ්‍ය විදියට භාවිතා කරන්න හොඳ නෑ කියලා.



ඒ නිසා  පිඟාන හෝදනකොට, මූණ හෝදනකොට ටැප් එක හෙමින් අරින්න.
දත් මදිනකොට දත් මදිනකන් ටැප් එක ඇරගෙන ඉන්න එපා.
ගස් වලට වතුරදාන්න වාහන හෝදන්න හෝස් එකක් වෙනුවට බාල්දියක් භාවිතා කරන්න.
නාන්න වතුර ගන්නකොට බාල්දියෙන් නානවා වෙනුවට ෂවර් (shower) එකක්  භාවිතා කරන්න.
ගෙදර තියන වතුර ලීක් වෙන තැන් හදන්න.

මේ දේවල් බුද්ධිමත් විදිහට තේරුම් ගන්න.
මේව උගන්නන්න පුළුවන් දේවල් නෙවේ. ඔබම තේරුම් ගන්න මේ දේවල්, මේක වටිනා දෙයක් කියල තේරුම් ගන්න.මේක වදයක් කරගන්නත් එපා, උදාහරණයක් වශයෙන් ඔබ නගරෙක ඉන්න කෙනෙක් නම් ළිඳකින් නාන්න හම්බුනොත් ඒ පාරිසරික අත්දැකීම විඳගන්න,
ඒ වෙලාවට ෂවර් (shower) හොයන්න යන්න එපා.
තමන්ගේ හිතවතුන්ටත් කියන්න මේ පණිවිඩය.

එහෙම කළොත් අපිට පුළුවන් වේවි සොබා සුමිතුරු රටක් හදන්න.