මම මහියංගණය පොලිස් අභ්යාස විද්යාලයට ආවා.
ඒ ගිය සතියේ ඉරිදා ඒ කියන්නෙ 22 වෙනිදා,
අද 29 සතියක්ම ගෙවිල ගිහින් ඉවරයි.
අද අපිට නිවාඩු.
මේක තියන්නෙ මහියංගණේ ඉදලා 12km විතර මෙහා මොනරාගල පාරේ.
මෙතන තියන්ව ඇලක් එකෙ නම වියානා ඇල.
ළඟ තියන වැව මාපාකඩ වැව.
දැනට නම් ට්රේනින් එක ටිකක් එපා වෙනවා මොකද මේ රස්නියේ කලිසම් ඇදලා සපත්තු දාල ඉන්ට අමාරුයි.
කොහොම වුනත් මං මේ පරිසරේට ආසයි.
වාහන සද්දෙ නැති, TV,PC ,Internet නැති එකත් වෙනසක්.
එත් ටිකක් රස්නියයි,
මං දැන් ඉන්න තැන තම PTS (Police Training School) එකේ මං ආසම තැන,
අපේ Outdoor Class එක.
මෙතන ප්රධාන ගස් පහක් තියනවා,
ඒ කෝන් ගස් 3ක් (Schleichera oleosa ) (මෙතන තියන ලස්සනම ගස් තුන තමා කෝන් ගස් තුන,)
සහ මම නම නොදන්න ගස් 2ක්
(පස්සේ අසංග සර් කියපු විදියට Morinda tinctoria අහු විශේෂයක්) .
තව මෙතන තියනව පෙරාදෙනියේ වල වගේ පොඩි එකක් මේකේ තියන්නෙ පඩි දෙකක් විතර.
ඒක ටිකක් ජරාවාස වෙලා ( ඒ කියන්නේ කැඩිලා)
මෙහේ තියන අවුවට, රස්නියට මේ පුංචි තුරු වදුල අපිට හරිම සනීපයක් දෙනවා,
අපි ඉස්සල්ලම Class කරේ Main Hall එකේ ඒත් එක ගොඩක් රස්නියයි, මොකද ඒකට හොදට හුලං එන්නෙත් නෑ, ඒ මදිවට වහලේ සීට් වහපු එකක්,
ඉතින් අපි කතා කරලා ඒක එලියට ගත්තා,
මේ ගස් යට හරිම ලස්සනයි.
ළා කොල පාට අතු කොළ අතරින් අහස ළා නිල් පාටට පේන හැටි උඩ බලපුවාම දැකගන්ට පුළුවන්.
මොහොතකට කැලෑවකට ගියා වගේ දැනෙනවා,
මට මේ ගස් දැක්කම හරිම ආදරේ හිතෙනවා,
ආසයි මේ වගේ තැනක පන්තියක් කරන්න.
වටේට ඇහෙන්නෙ කුරුල්ලො කෑගහන සද්දෙ, කොළ වැටෙන සද්දෙ.
දවල්ට කොට්ටොරුවො, බට්ටිච්චො,දෙමලිච්චො වගේ කුරුල්ලො කෑගහන්වා,
සනීප හුළං හෙමීට හමන්ව.
හවසට වළි කුකුලො කෑගහනව,
(ඒත් උන් එළියට එන්නෙ නැති නිසා එක පාරක්වත් උන්ව දකින්න බැරි වුන, අනික උන් කෑගහන වෙලාවට අපිට Lectures ඉවර නෑ.
තව කියන්න බැරි වුනා මෙතන තමා PTS එකෙ Short Distance Firing Ground එක තියන්නේ, Long Distance Firing Ground එකට යන්ට දුන්නේ නෑ, ඒක ගොඩක් ලොකුයි, (මේකෙ අක්කර 150ක් විතර තියනවලු )
මෙතන ඉන්න පැලපදියම් වුන කුරුල්ල තමා සිවුරු හොරා,
ඌ නිතරම කෝන් ගහට එනවා,
(මං හිතන්නෙ උගේ කූඩුව ළඟම ඇති )
ඌ ඇවිත් රස රස කෑම කාල යනව.
තව මෙතන ඉන්න කැපී පෙනෙන සත්තු තමා මකුණො (Bugs)මුං ක්රීම් පාට මිශ්ර තැඹිලි පාට ටිකක් ලොකු එවුන්,
අනිත් සිත්ගන්නාසුළු සත්තු තමා මකුළුවෝ,
පාට පාට මකුළුවො, පනින මකුලුවෝ (Jumping Spiders)මෙතන ඉන්නවා.
මේ ළඟ තියන තව ගස් කීපයක් ගැන කියන්න අමතක වුනා,
ඒ තමා තව අමතර කෝන් ගස් දෙකක්, දං (Syzygium cumini) ගහක් සහ මයිල (Bauhinia racemosa) ගස් දෙකක්.
එක කෝන් ගහක් අළුතින් දළු දාලා,
හරිම ලස්සනයි
ඉර එලිය වැටුනම තවත් ලස්සනට පේනව යට ඉදන් බැලුවම.
හා ඉතින් තව ඉන්න සත්තු තමා වෙලාවකට එක දිගට කෑගහන රැහැයියො,
උං ඉතින් කෑගහුවට පේන්නෙ නෑනෙ,
එත් හැව ඇරපු එවුන්ගේ කෑලි නම් ගහ යට වටිල තියනවා,
ඒත් උංගේ සද්දෙ නම් හොදට ඇහෙනවා,
තව මට මේ ගහ යටදි දකින්ට ආසාවෙන් හිටපු,
ලස්සනම සතෙක් දකින්න ලැබුන,
ඒ Oak Blue කෙනෙක්,
(මම උගේ විශේෂය අදුරගන්න දන්නේ නෑ )
කොහොම උනත් අඳුරාගත්තත් නැතත් ඌ ගොඩක්ම ලස්සන සතෙක්,
උගෙ තටු වල ඇතුල් පැත්ත පුදුම ලස්සනයි,
හරි අතට ඉර එළිය වැටුනොත් මේ නිල් දියමන්තියක් වගේ දිලිසෙන නිල් පාට දැකගන්න පුලුවන්,
මට ඒක විස්තර කරන්න වචන නෑ,
(කොහොම වුනත් මට මැරුණ Oak Blue කෙනෙක් හම්බුනා)
Lycanidae කුලයේ හැමෝටම වගෙ මෙයාගෙත් පස්සහ තටුවේ හතුරො රවට්ටන්ට තියන බොරු ඔලුව තියනව,
ඒක ආරක්ෂක උපක්රමයක්,
(මගේ යාලුවො පවා මෙයාලගේ මේ සොබාවික ආරක්ෂණ යාන්ත්රනේට රැවටුනා, එයාල හිතුවේ උට ඔළු දෙකක් තියනව කියල,,)
එයාල මේ බොරු ඔලුව හොල්ලනව නිතරම වහල ඉන්නකොට,
එතකොට හතුරො හිතන්නේ මේ තම එයාගෙ ඔළුව කියල,
ඉතින් හතුර පිටිපස්සෙ තට්ටට පහර දුන්නම සමනළයට තව වතාවක් හම්බෙනවා ජීවත් වෙන්ට,
කොහොම වුනත් අපෙ පැත්තෙ නැති වුනාට මෙය මෙහෙ නම් ගොඩක්ම සුළබයි,
තව මෙහෙ ඉන්න සුළබම සමනල් විශේෂ තමා,
Common Jezebel, Tawny Coster, Crimson Rose.....
Common Jezebel නම් මෙහෙ වැඩි වෙන්න හොඳ හේතුවක් තියනවා,
ඒ තමා පිළිල,
මෙහෙ තියන ගොඩක් ගස් වර්ග වල පිළිල තියනව,
අපිට සාමාන්යයෙන් දකින්ට හම්බෙන්නෙ නැති ගස් වල පවා,
තේක්ක, කොහොඹ,බෙලි,කස,දං, මේ ගස් ඔක්කොගෙම හොඳ සරුවට පිළිල හැදිලා තියනව,
මට මතකයි අපේ මාමා කීව එක එක ගස් වල හැදෙන පිළිල එක එක බෙහෙත් වලට ගන්නවා, කියල,
මං ඒ ආශ්චර්යමත් ආසියානු වෙදකම ගැන කියන්න නම් දන්නෙ නෑ,
Common Jezebel
කොහොම වුනත් Common Jezebel ත් ගොඩක් ලස්සන සමනළයෙක්,
හරිම වර්ණවත්,
පිළිල ගැන කතාව ඇදුන එකේ පිළිල ගැන කියන්නම්,
පිළිල අයිති Loranthaceae කියන කුළයට,
මේකේ ගණ කීපයක්ම තිබුනත් අපි කියන්නේ ඔක්කොටම පිළිල කියලනෙ,
පිළිල අර්ධ පරපෝෂී ශාක,
ධාරකයාගෙන් උරාගන්නේ පෝෂක හා ජලය විතරයි, ප්රභාසංස්ලේෂණය කරගන්නවා.
මේවා පරපුටුවො වුනාට මල් නම් හරිම ලස්සනයි,
රතු පාටයි,
