නාරිලතා | Bohemian Rhapsody

මිනිස්සු විශ්වාස කරනවා ලෝකයේ එක් මල් ජාතියක් තියනවා කියල ඒ මල් දැක්කාම අහසින් යන තාපසයන්ගේ දැහැන් බිඳිලා ඔවුන් බිමට එනවා කියලා,

ඒ මේ මල් කාන්තා පෙනුමක් ගන්න නිසා,

ඒ නිසා මේ මල් වලට කියනව නාරිලතා මල් කියලා.

ඇත්තටම මෙහෙම මල් තියනව ද?

 පසුගිය කාලේ ෆොටෝ  පැතිරිලා ගියා මෙහෙම ගෑණු රූප තියන ගස් ගැන.

ඒත් මේව නම් ෆොටෝෂොප් භාවිතයෙන් හදාපුව කියලා බැලූ බැල්මට පේනවා.

ඇත්තටම මෙහෙම නාරිලතා කියල මල් ජාතියක් තියනව ද?

ඇහ්තටම ඔව්,

මේ මල් ලංකාවෙත් තියනව.

අපිට කියන්න බෑ ඉන්දියාවෙ මීට වඩා විශාල අහසින් යනකොට පේන තරම් විශාල ගෑණු පෙනුමක් තියන මල් තියනව ද කියල නෑ කියන්නත් බෑ,

අපි බලමු ලංකාවේ තියන ඒවා ගැණ.

ලංකාවේ තියන නාරිලතා මල් අයිති වෙන්නෙ ඕකිඩ් කුලයට (Family- Orchidaceae),

මේ කුලයේ  තියන Habenaria කියන ගනයට තමා මේ මල් අයත් වෙන්නේ, මේ ගණයට ශාක විශේෂ 10ක් ඇතුලත් වෙනවා.

මෙයින් ශාක විශේෂ 4ක් ලංකාවට ආවේණිකයි.

මේ අතුරින් අපි සාමාන්‍යයෙන් කියන නාරිලතා මල 

තමා Habenaria crinifera කියන්නෙ.

මේක ඒ ගණයේ අනික් විශේෂ වලට සාපේක්ෂව තරමක් සුලබ වුනාට,

ලංකාවේ තියන සියළුවම් ඕකිඩ් වගේ මේකත් වඳවීමේ තර්ජනයට මුහුණපාපු එකක්.

නමුත් මේ ගණයේ වෙනත් ශාක අතිශයින් අවදානම් කොටසේ ඉන්නෙ (CR- Critically Endangered), මේ ශාකය අවදානමට ලක්විය හැකි කියන කොටසේ 

(VU- Vulnerable)තිබුනත් අපිට ඒක එහෙමම පිළිගන්න බෑ.

මොකද මේ දේ සංරක්ෂණයේ පහසුවට යොදාගත් යෙදුම් නිසා (මේ දත්ත තියන්නෙ රතු දත්ත පොතේ - Red Data Book).

මේ ශාකයට තිබෙන අවදානම් සහගත තත්ව තමා වාසභූමි අහිමි වීම සහ විසිතුරු පැල ලෙස එකතු කිරීම කියන  දේවල් ප්‍රධාන වශයෙන්ම.

දැනටමත් සමහර පැල එකතු කරන්නන් ලඟ මේ ශාකය තිබෙනවා.මෙහි ඖෂධීය ගුණයකුත් තියනව මා අහල තියන විදිහට.

මෙය තරමක් කුඩා ශාකයක්, මෙයට අලයක් තිබෙනවා,

ඉතින් කාලෙකට පොලවෙන් උඩ කොටස් මිය ගිහින් යට කොටස විතරක් තමා ඉතුරු වෙන්නෙ.

මට කියන්න තියන්නෙ ඔබ මෙවන් ශාකයක් හෝ වෙනත් ලස්සන පැලයක් කැලෑවක් දැක්කොත් ගේන්න එපා ගෙදර,

මොකද බොහෝ විට වෙන්නෙ ඒක මිය යන එක.

අපට මේවට අවශ්‍ය පරිසර තත්ව සපයන්න අමාරුයි.

ඉතින් එහෙම වුනාම වෙන්නෙ කැලේට සහ අපිට යන දෙකොටසටම මේ වගේ වටිනා ශාක නැති වෙන එක.

ඒ නිසා සමහර දේවල් ඒ තියන විදිහටම බලල රසවිඳින එක හොඳයි ,

මේ එක ඡායාරූපයක් රාජකීය උද්භිද උද්‍යානයේ ඕකිඩ් එකතුවෙන්,

අනික සොබාවික පරිසරයෙන්,

මෙතැන මල් පිරිලා ගියාම කොයිතරම් ලස්සනද කියල ඔයාලම හිතාගන්න.

මේ තැන් ආරක්ෂා කරන එක අපේ වගකීමක්.
නොදුටු ලොවක් අයියා කීවා වගේ ඔන්න මම නාරිලතා දිහත් බැලුවා ඕං  :)

-----------------------------------------------------------------

Bohemian Rhapsody

මේ ගීතයත් මම ගොඩක් කැමති එකක්,

තවම අහල එපා වුනේ නෑ,

මේක බ්‍රිතාන්‍යය සංගීත කණ්ඩායමක් වුන 

"Queen" ලගේ නිර්මාණයක්.

මේ කණ්ඩායමේ හතර දෙනෙක් හිටියා,

මේ අතරින් ප්‍රසිද්ධම ගායකයා ෆ්‍රෙඩී මර්කරි.

මම අහල තියන ගායකයන්ගෙන් අතිශය දක්ෂයෙක්,

මොකද මේ වගේ ගීතයක් සජීවීව ගායනා  කරනවා කියන්නේ අතිශය අමාරු වැඩක්.

ඔහුට ඉතා  පුළුල් පරාසයක් ඇතුලේ ගීත ගායනා කිරීමේ හැකියාවක් තිබුනා,

ඒ වගේම සංගීත සංයෝජනය සහ ගීතය ලිවීමත් ඔහුගේ,

මේ ගීතය තවමත් ලොව වටා ලක්ෂ ගණන් පිරිසක් රස විඳින ගීතයක්.

මෙය ඉතා වෙනස් ගනයේ එකක්,

රොක් සංගීතය, බැලඩ්, ඔපෙරා ආදී බොහෝ සංගීත ශෛලීන් අන්තර්ගත් එකක් මේක.

මට මතක විදිහට මේ ගීතය නිර්මානය කරන්න ඉතාම දිග කාලයක් ගත වෙලා තියනවා.

ඒත් කණගාටුවෙන් යුතුව කියන්න තියන දේ තමා මේ දක්ෂ ගායකය මියගියේ ඒඩ්ස් රෝගයෙන්,

ඔහු අති දක්ෂයෙක් වුනත් ඔහුට තමන්ගෙ වටිනා ජීවිතය ආරක්ෂා කරගන්න බැරි වුනා,

පීනන්න තරම් සල්ලි, ලක්ෂ ගණන් රසිකයෝ හිටියත් ඔහු කොතරම් අවාසනාවන්ත ද?

ගායනය කියන්නෙ කොහොම වුනත් හොඳ වෘත්තියක් නෙවේ,

සල්ලි ගොඩක් හම්බ කරන්න පුළුවන් වුනත් ඒ බොහෝ විට මිනිසුන්ගේ හැඟීම අවුස්සලා.

කොහොම වුනත් මේ ගීතය හොඳ තේරුමක් සහ විශිෂ්ට සංගීත සංයෝජනයක් වගේම ගායනයෙනුත් ඉහල එකක්.

මේ වීඩියෝ තුනටම මම ගොඩක් ප්‍රිය කරනවා.

පළවෙනි එක මේ ගීතයේ නිල වීඩියෝව.

දෙවනි එක සජීවී ගායනයක්.

ඊළඟ එක මේ ගීතයේ Edgar cruz ගේ ක්ලැසිකල් ගිටාර් සෝලෝ එකක්.

මේ තුනම මට තවම එපා වුනේ නෑ අහල,

මට පේන්නෙ අපෙ රටේ වගේම පිට රටවලත් පැරණි ගීත තමා තවම මට නම් අල්ලන්නෙ,

මොකද මම බොහෝ වර්තමාන ඉංග්‍රීසි ගීත අහන්නෙ නෑ.

 

Official Video

<<< Live Performance                                                  

 

                                                     <<<Classical Guitar Solo>>>